Hamilə qadın namazı necə qılmalıdır?

Salam aleykum. Hamilə qadın namaz qılmalıdır. Ayaq üstə qıla bilmirsə, oturaq halda qıla bilər (stulda və yaxud yerdə bardaşqurma şəklində). Oturaraq namaz qıldıqda ruku edərkən az əyilmək, səcdə etdikdə isə ondan bir az çox əyilmək lazımdır. . Əgər oturaraq namaz qılmaq mümkün olmasa, uzanaraq namaz qıla bilərsiniz. İmran ibn Huseyn (Allah ondan razı olsun) demişdir: "Mən babasil xəstəliyi­nə tu­tulmuşdum. Odur ki, Peyğəmbərdən (Ona və ailəsinə Allahın salavatı və salamı olsun) bu vəziyyətdə namaz qılmaq barə­sində soruşdum. O dedi: "Namazı ayaq üstə qıl, bacarmırsansa, oturan yerdə qıl, bu­nu da bacarmırsansa, uzanan yerdə qıl". (əl-Buxari, 1117). Həmçinin, oxuyun: Xəstə insan necə dəstəmaz alıb namaz qılsın?